L-Għaqda tal-Mużika San Gejtanu se tkun qed itella’ rappreżentazzjoni teatrali dwar il-passjoni ta’ sidna Ġesu Kristu, fil-Knisja ta’ Santunuzzu, ftit ‘il fuq mill-Knisja ta’ San Gejtanu, matul il-ġurnata ta’ għada, Ħamis ix-Xirka.
Ir-rappreżentazzjonijiet se jkunu kull 30 minuta u jibdew fis-7pm. L-aħħar rappreżentazzjoni hija skedata għad-9.30pm.
Id-dħul huwa b’xejn iżda se jkunu qed jinġabru donazzjonijiet b’risq Puttinu Cares.
REKLAM
SKROLLJA BIEX TKOMPLI
F’dan ir-rappreżentazzjonijiet se jkunu qed jieħdu sehem l-atturi Kaydon Falzon, Shawn Ciantar, Dorian Micallef, Anthony Cini, Nathan Vella, Marie-Claire Sammut, Stephanie Grech Mallia u Kurt Harmsworth.
Kitba u direzzjoni ta’ din il-produzzjoni hija ta’ Tanya Agius Borg.
