F’kitba fuq il-paġna fuq Facebook, l-għaqda studenteska Pulse laqgħet it-tibdil ewlieni fir-riforma tal-inkjesti maġisterjali, li se jwassal għal tisħiħ u kontabilità fil-proċess.
Din ir-riforma ġiet approvata mill-Parlament, nhar l-Erbgħa li għadda.
Din ir-riforma fl-inkjesti maġisterjali se tiżgura ċ-ċittadini, il-vittmi kif ukoll is-suspettati jkollhom drittijiet f’kull stadju tal-proċess. Dan filwaqt li din ir-riforma ma neħħietx id-dritt li ċittadin privat jagħmel talba għall-inkjesta.
L-għaqda Pulse kompliet tgħid li temmen li permezz ta din ir-riforma, min għandu jaffaċċja l-ġustizzja jaffaċċjaha u kif bis-saħħa tagħha se ssaħħaħ is-sistema tal-Qorti.
L-għaqda Pulse appellat biex il-Gvern ikompli jimplimenta aktar riformi fis-settur tal-ġustizzja biex ikompli jkun assigurat li pajjiżna jkollu sistema effettiva u effiċjenti.
