L-Għaqda Korali u Orkestrali Maria Bambina tal-Mellieħa ppubblikat l-ewwel CD professjonali sa mit-twaqqif tagħha bl-isem ta’ ‘Mużika Sagra tal-Mro. Vincenzo Ciappara’. Din is-CD tikkonsisti minn mużika sagra orkestrali tas-Surmast Ciappara li tħaddan din l-Għaqda fl-arkivju tagħha, fosthom l-antifona ddedikata lil Marija Bambina bl-isem ta’ Gloriosӕ.
Din is-CD kienet il-qofol tal-proġett bl-isem ta’ ‘Promoting Our Musical Heritage’ ffinanzjat mill-Malta Council for the Voluntary Sector taħt l-iskema bl-isem ta’ Small Initiative Support Scheme. Fost il-mistednin li kienu preżenti għaċ-ċerimonja tas-CD launching kien hemm is-Sur Mauro Pace Parascandolo, Kap Eżekuttiv tal-Malta Council for the Voluntary Sector, u kif ukoll Dr Noel Camilleri, Chairperson tal-Malta Council for the Voluntary Sector. Kien hemm ukoll s-Sinjura Ina Ciappara, il-mara tal-Avukat Joseph Ciappara iben Mro Vincenzo Ciappara stess, fejn qasmet diversi esperjenzi tas-Surmast Ciappara u l-konnessjoni tiegħu mal-Għaqda Korali u Orkestrali Maria Bambina.
Din is-CD tinsab għall-bejgħ għall-prezz ta’ €12 mid-Dar tal-Għaqda Korali u Orkestrali Maria Bambina, li tinsab fi Triq il-Parroċċa Mellieħa, u tista’ tiġi bbukkjata minn qabel billi dak li jkun iċempel fuq 79053889 jew 99110496, jew tintbgħat email fuq info@choirandorchestra.org, u kif ukoll b’messaġġ fuq il-mezzi soċjali ta’ din l-Għaqda.
