Linja tal-ajru Indjana ħabbret li għadha kif għamlet l-ewwel titjira madwar id-dinja mmexxija minn nisa biss.
It-titjira ta’ Air India telqet minn New Delhi għad-destinazzjoni San Francisco t-Tnejn li għadda u waslet lura fl-Indja l-Ġimgħa.
Air India qalu kif għadhom kif japplikaw fil-Guinness World Record.
L-istess kumpanija sostniet li se tkun qed topera aktar titjiried bl-impjegati abbord ikunu kollha nisa, dan bħala parti miċ-ċelebrazzjonijiet għal-Jum Internazzjonali tan-Nisa, li jiġi ċċelebrat fit-8 ta’ Marzu kull sena.
Lura f’Jannar il-kumpanija bdiet tbiegħ sits f’sezzjonijiet apposta għan-nisa wara li bosta nisa ilmentaw li bdew jiġu fiżikament abbużati minn passiġġieri oħra.
