Il-President Amerikan Donald Trump se jiltaqa’ għall-ewwel darba mal-mexxej Russu, Vladimir Putin. L-ewwel laqgħa wiċċ imb’wiċċ se ssir waqt summit tal-G20 f’Hamburg, il-Ġermanja. It-tnejn li huma esprimew rieda li jsewwu d-danni li qed jinħolqu bil-kriżijiet fis-Sirja u l-Ukrajna, minbarra allegazzjonijiet li r-Russja kellha x’taqsam mar-riżultati elettorali fl-Istati Uniti. Trump u Putin mistennija jiltaqgħu wara nofsinhar għal siegħa, għalkemm jista’ jkun li l-laqgħa tkun ferm iqsar.
Intant, mistennija protesti tul il-jum. Konfront bejn il-forzi tal-ordni u dimonstranti diġà ħalla 76 pulizija ferut. Mejjexa minn madwar id-dinja għandhom differenzi kbar bejniethom fuq suġġetti bħat-tibdil fil-klima u n-negozju.
