Illum se jitlaqqa’ l-kabinett għall-ewwel darba wara li nhar is-Sibt li għadda l-Prim Ministru Robert Abela ħabbar tibdiliet fil-kabinett.
Ilbieraħ ħadu l-ġurament erba’ Ministri fil-palazz ta’ Sant’Anton: Justyne Caruana saret Ministru għall-Edukazzjoni, Clayton Bartolo nħatar Ministru għat-Turiżmu u l-Protezzjoni tal-Konsumaturi, Miriam Dalli saret Ministru għall-Enerġija, l-Intrapriża u l-Iżvilupp Sostenibbli u Clyde Caruana nħatar Ministru għall-Finanzi u x-Xogħol.
Wara numru ta’ bidliet li tħabbru s-Sibt, il-Ħadd li għadda l-Prim Ministru Robert Abela ddeskriva l-Kabinett immexxi minnu bħala l-aktar wieħed żagħżugħ, femminili, Għawdxi u ta’ stoffa.
