L-ewwel Fitness Awards f’pajjiżna b’xandira fuq ONE

Bulletproof – Roll of Honors, l-ewwel Fitness Awards f’pajjiżna b’xandira fuq ONE. Din is-serata, mtella’ mill-komunita’ lokali tal-fitness Bulletproof Culture għandha l-għan prinċipali li timbotta aktar ‘l quddiem l-importanza tal-fitness f’pajjiżna.

B’4,500 nomina u b’aktar minn 45,000 vot fi ftit jiem, ir-Roll of Honors qed jingħataw importanza wara sena inkredibli għall-fitness u l-isports f’Malta sabiex f’serata waħda jiġu ċċelebrati il-kisbiet individwali u kisbiet kollettivi. Il-finali ttellgħet f’Giardini Lambrosia b’ċerimonja ta’ premjazzjoni mmexxija minn Claire Agius Ordwar u l-fundaturi ta’ Bulletproof.

Is-serata ser tixxandar fuq ONE, l-Erbgħa 9 ta’ Frar fid-9pm