Illum l-ogħla Qorti f’Londra se tisma’ t-talbiet tal-Prinċep Harry dwar ġbir ta’ informazzjoni illegali mill-Mirror Group Newspapers (MGN).
Il-prinċep għandu jagħti xhieda, u għalkemm aktarx din ix-xhieda ma tinstemax illum, xorta jista’ jkun li jattendi għas-seduta.
REKLAM
SKROLLJA BIEX TKOMPLI
Din hija l-ewwel darba fl-istorja moderna li membru daqshekk ogħli mill-Familja Rjali se jixhed fil-Qorti.
Il-Mirror Group Newspapers (MGN) jiċħad li wettaq hacking bit-telefon f’dan il-każ – iżda ammetta li ġieli uża dawn it-tattiċi. L-MGN jiċħad ukoll li l-eżekuttivi anzjani kienu jafu dwar ġbir illegali ta’ informazzjoni.
Separatament, il-Prinċep Harry qed jieħu azzjoni legali kontra żewġ gruppi oħra ta’ gazzetti.
