Luke Debono sar l-ewwel bodybuilder Malti li rebaħ il-kampjonati Ewropej fil-kategorija Super Heavyweight ta’ ‘l fuq minn 100 kilogramm.
Debono kkompeta fil-kampjonat Arnold Classic Europe f’Barċellona, Spanja.
Luke Debono ddomina u rebaħ il-kategorija tiegħu tal-klassi Super Heavyweight u allura kellu d-dritt iktar tard li jikkompeti wkoll fil-kategorija overall li fiha kellu sfida mir-rebbieħa tal-kategoriji l-oħra. F’din il-kategorija huwa reġa’ spikka u filfatt kiseb l-aktar ammont ta’ punti.
Huwa għadu saħansitra jista’ jikkompeti għall-kategorija Juniors, issa rebaħ ukoll id-dritt li jaqleb għal bodybuilder professjonali fiċ-ċirkwit tal-IFBB.
Fl-istess kampjonat Derya Satariano spiċċat fil-ħames post overall minn 35 atleta fil-kategorija Bikini Fitness.
