Il-President tal-Estonja għamel apoloġija wara li l-Ministru tal-intern tal-pajjiż iddeskriva l-Prim Ministru l-ġdid tal-Finlandja bħala sales girl.
Il-President Kersti Kaljulaid tenniet li tinsab imbarazzata bil-kummenti ta ‘ Mart Helme, 70, li jmexxi l-partit popolista tal-Partit tal-lemin.
Il-Prim Ministru Finlandiża Sanna Marin, 34, hija l-iżgħar Prim Ministru tad-dinja. Hija għandha koalizzjoni fuq ix-xellug ċentrali flimkien ma’ 4 partiti oħra, kollha mmexxija minn nisa.
Is-Sur Helme għamel ir-rimarki kontroversjali tiegħu waqt il-programm tar-radju tal-partit tiegħu. Huwa qal “Issa naraw kif sales girl saret Prim Ministru u kif xi attivisti oħra tat-toroq u nies mhux edukati ngħaqdu ukoll mal-Kabinett.”
Is-Sinjura Marin tkellmet dwar it-trobbija tagħha f ‘familja żvantaġġjata u dwar meta ħadmet bħala sales girl qabel ma marret l-Università u bdiet karriera politika tagħha. Tenniet kif hija kienet l-ewwel persuna fil-familja tagħha li temmet l-iskola u attendiet l-Università.
