L-Enemalta b’laqgħat mal-Kunsilli qabel xogħlijiet ta’ tisħiħ fis-sistema tad-distribuzzjoni

L-Enemalta għaddejja b’laqgħat ma’ bosta kunsilli lokali dwar il-pjannijiet sabiex tissaħħaħ is-sistema tad-distribuzzjoni f’aktar lokalitajiet.

F’kitba fuq il-midja soċjali, l-Enemalta qalet li fl-aħħar jiem kellha laqgħat mal-kunsilli lokali ta’ Ħal Għaxaq, il-Gżira u Ħ’Attard.

Dan sabiex tingħata l-informazzjoni kollha fuq ix-xogħlijiet li se jkunu qegħdin isiru.