L-eks plejer ta’ Manchester United u Juventus, Patrice Evra jinsab f’Malta bħala parti mill-Mediterrane Film Festival.
L-eks plejer internazzjonali Franċiż, Evra ltaqa’ mal-President Myriam Spiteri Debono fil-Palazz ta’ Sant’Anton. Fuq il-pjattaforma soċjali tiegħu ta’ Instagram, Patrice Evra qal li hu qed iżur lil pajjiżna għall-ewwel darba.
F’din iż-żjara, Patrice Evra ppreżenta żewġ flokkijiet iffirmati tat-tim Ingliż ta’ Manchester United b’risq il-Fondazzjoni Malta Community Chest Fund.
Fil-maġġoranza tal-karriera tiegħu, Patrice Evra lagħab mat-tim Ingliż ta’ Manchester United bejn l-2006 u l-2014, fejn laqgħab kważi 300 logħba u skurja seba’ gowls. Fit-tliet snin ta’ wara, Evra lagħab mat-tim Taljan ta’ Juventus.
Huwa lagħab ukoll 81 logħba mat-tim nazzjonali Franċiż, fejn għal xi perjodu qasir kien captian tat-tim Franċiż.
