Il-Kummissjoni Ewropea qiegħda tbassar li l-ekonomija Maltija se jkollha l-akbar tkabbir fost il-pajjiżi kollha tal-Unjoni Ewropea matul is-sena d-deħla.
Fit-tbassir ekonomiku tagħha għall-ħarifa, il-kummissjoni qalet li t-tkabbir ekonomiku ta’ Malta mistenni jkun ta’ 4.9%, aktar mid-doppju tal-medja fl-Unjoni Ewropea li hija ta’ 1.9%.
Il-kummissjoni qalet li r-raġunijiet għal dan it-tkabbir ekonomiku hija ż-żieda fin-nefqa tal-Maltin f’xiri ta’ oġġetti u servizzi flimkien ma’ żieda qawwija fl-investiment.
Il-kummissjoni tinnota wkoll li matul is-sena d-dieħla proġetti kbar fil-qasam tas-saħħa u l-qasam tat-turiżmu se jkomplu jixpunaw l-investiment fis-settur privat waqt li l-konsum privat se jibqa’ dinamiku għax sostnut b’suq tax-xogħol li qed dejjem jikber u b’żieda fi flus fl-idejn.
Fil-fatt il-Kummissjoni qed tbassar żieda fl-impjiegi f’Malta u r-rata ta’ qgħad fis-sentejn li ġejjin li se tibqa’ fost l-anqas fl-Unjoni Ewropea.
Il-Kummissjoni qalet ukoll li f’pagi tal-ħaddiema f’Malta se jiżdiedu b’1.8%, it-triplu taż-żieda li qed ibassar għall-bqija tal-pajjiżi tal-Unjoni Ewropea.
Il-Kummissjoni qalet li Malta mistennija kollha t-tieni l-ogħla surplus fiż-żona ewro, wara l-Ġermanja.
Filwaqt li se jonqos fis-snin li ġejjin, dan se jilħaq il-kważi 1% fis-sentejn li ġejjin, u jibqa’ t-tieni l-aktar għoli wara dak tal-Ġermanja. Dan b’kuntrast ta’ dak li qed ikun imbassar għall-bqija tal-UE fejn mistenni jkun hemm defiċit ta’ 1% tal-ġid li qed jinħoloq.
Il-Kummissjoni qalet li s-surplus fil-finanzi pubbliċi se jibqa’ minkejja t-tnaqqis fit-taxxi, iż-żieda fl-ispiża soċjali u f’dik kapitali. Fl-istess waqt tbassar li d-dejn ta’ Malta se jonqos għal 42.1% tal-prodott domestiku gross fl-2020, 30% anqas mill-2012.
Fi stqarrija, il-Gvern qal li r-rapport tal-Kummissjoni jikkonferma kif bħalissa, Malta verament qed tgħix is-suċċess bi tkabbir rekord fl-impjiegi, żidied fil-pagi ferm għola minn dawk fil-bqija tal-Unjoni Ewropea, investiment qawwi u finanzi pubbliċi fis-sod.
Bil-mizuri tal-Budget 2019, pajjiżna mistenni jkompli jqawwi r-ritmu ekonomiku, filwaqt li tiżdied l-ispiża soċjali u jonqsu l-piż tat-taxxi biex il-ġid ikompli jitqassam aħjar.
In Autumn Economic Forecasts, @EU_Commission indicates that in 2019 #Malta will have largest economic growth and increase in jobs in the #EU. Increase in wages will be 3 times the rest of EU, with one of the best surpluses despite reduced taxation & increased social spending -JM
— Joseph Muscat (@JosephMuscat_JM) November 8, 2018
Growth forecast in 2019:
🇲🇹 4.9
🇮🇪 4.5
🇸🇰 4.1
🇷🇴 3.8
🇵🇱 3.7
🇧🇬 3.7
🇨🇾 3.5
🇭🇺 3.4
🇸🇮 3.3
🇱🇻 3.2
🇱🇺 3
🇨🇿 2.9
🇪🇪 2.8
🇭🇷 2.8
🇱🇹 2.8
🇳🇱 2.4
🇪🇸 2.2
🇫🇮 2.2
🇦🇹 2
🇬🇷 2
🇪🇺 1.9
🇩🇪 1.8
🇸🇪 1.8
🇩🇰 1.8
🇵🇹 1.8
🇫🇷 1.6
🇧🇪 1.5
🇮🇹 1.2
🇬🇧 1.2#ECForecast https://t.co/fRe13nc5fC— European Commission 🇪🇺 (@EU_Commission) November 8, 2018
