L-istilla ta’ Hollywood Tom Hanks u l-mara tiegħu Rita Wilson irriżultaw fil-pożittiv għat-testijiet tal-Coronavirus. L-attur li bħalissa jinsab fl-Awstralja f’kumment fuq twitter qal li hu u martu bdew iħossu sintomi ta’ għajja u uġigħ f’ġisimhom simili għal dak ta’ influwenza.
Intant huma refgħu r-responsabilità u qed jimxu mal-protokol tal-uffiċjali mediċi u jiġu osservati u isolati sakemm ikun meħtieġ. It-tifel tagħhom Chet fuq post seperat fuq Twitter qal li tkellem mal-ġenituri tiegħu u qal li jinsabu tajjeb.
