L-Attriċi Marisa Abela fil-parti ta’ Amy Winehouse

L-Attriċi Marisa Abela mwielda fi Brighton l-Ingilterra u ta’ dixxendenza Maltija, hija l-attriċi li se tinterpreta lil Amy Winehouse fil-film bijografiku tagħha ntitolata ‘Back to Black’.

Is-sena li għaddiet kien imħabbar li Sam Taylor-Johnson kien se jidderiġi il-bijografija ta’ din l-artista, liema ġbid mistenni jibda f’dan ix-xahar. Back to Black se jkun qed jitratta l-ħajja ta’ Winehouse f’Londra u l-mod ta’ kif kibret u ħadet il-fama. Marisa Abela attriċi popolari għal irwoli televiżivi fuq BBC 2 hija bint ġenituri mdaħħla fl-industrija tal-films. Ommha l-attriċi Caroline Gruber filwaqt li missierha, Angelo Abela għandu dixxendenzi Maltin.