L-attività ekonomika kompliet taċċellera – il-Bank Ċentrali 

L-attività ekonomika f’Ġunju li għadda, kompliet taċċellera meta mqabbel ma’ xahar qabel, u hija ogħla mill-medja storika.  

Dan ħareġ fl-aġġornament ekonomiku tal-Bank Ċentrali għal Lulju, ippubblikat illum.  

Ħareġ li f’Mejju, il-produzzjoni industrijali żdiedet ukoll, filwaqt li anki l-kummerċ bl-imnut żdied b’rata akbar.  

F’Mejju, il-Fond Konsolidat irreġistra surplus ogħla meta mqabbel ma’ sena qabel, hekk kif żdied id-dħul tal-Gvern. 

Ir-rata ta’ inflazzjoni, f’Ġunju kienet ta’ sitta punt tnejn fil-mija, li hija inqas mir-rata li kienet xahar qabel.