Fl-14 ta’ April, l-atleti Neil Agius u Fabio Spiteri se jwettqu għawm kontinwu fuq 12-il siegħa għall-karità.
Fuq distanza ta’ 1,000 kilometru, dan l-avveniment se jseħħ fil-pitch tal-waterpolo tan-Neptunes bejn is-7:00 ta’ filgħodu u s-7:00 ta’ filgħaxija.
Il-fondi kollha li se jinġabru sforz din l-għawma se jingħataw bħala donazzjoni lill-organizzazzjoni mhux governattiva, Inspire, biex tkompli tipprovdi aktar sessjonijiet ta’ terapija, inkluż permezz tal-għawm, u servizzi oħrajn lil persuni b’diżabilità u l-familji tagħhom.
L-għawma qed tiġi organizzata mill-Eurosport, in-Neptunes WPC, Vibe FM & Garmin.
Kulħadd hu mistieden biex jattendi, jieħu sehem fl-għawma u jikkontribwixxu għal dan il-għan nobbli. Dawk kollha li se jiieħdu sehem f’din l-għawma se jintalbu jagħtu donazzjoni ta’ €10, filwaqt li kumpaniji qed jintalbu jikkontribwixxu donazzjonijiet ta’ €250 meta jagħżlu li jieħdu sehem permezz ta’ tim.
In-nies jistgħu jagħtu aktar donazzjonijiet matul il-jum bi flus kontanti jew inkella permezz ta’ Revolut jew SMS.
