“Il-potenzjal tal-bniedem huwa maħluq bl-immaġni u x-xebh ta’ Alla”. Dan kien il-qofol tal-messaġġ li għamel Papa Franġisku meta nhar is-Sibt 9 ta’ Marzu 2019 huwa ltaqa’ f’udjenza privata ma’ dawk li pparteċipaw fil-Kungress Annwali tal-Unjoni Ewropea taċ-Ċikliżmu (UEC), li din is-sena kien wieħed storiku għax kien amalgamat ma’ dak tal-Konfederazzjoni Afrikana taċ-Ċikliżmu (CAC).
Għal din l-udjenza li saret fis-Sala Clementina li hija waħda mis-swali tal-Palazz Appostoliku ħdejn il-Bażilika ta’ San Pietru fil-Belt tal-Vatikan, kienu preżenti fost l-oħrajn John Zammit u Joe Bajada, President u Segretarju Ġenerali tal-Federazzjoni Maltija taċ-Ċikliżmu. Papa Bergolio nnota r-relazzjoni qawwija bejn l-Isport u l-Knisja. Huwa enfasizza wkoll kif l-isport jista’ jrawwem l-eċċellenza minħabba li jgħallem il-perseveranza, is-sagrifiċċju, u ċ-ċaħda personali. Il-Papa kompla billi qal li, “l-isport ta’ spiss isir opportunità biex jesprimi b’entużjażmu.” Fuq l-isport taċ-ċikliżmu u l-virtujiet tiegħu, l-Papa jiddeskrivi kif dan hu wieħed mill-isport li jagħmel enfasi fuq xi virtujiet, bħall-paċenzja, l-integrità, l-altruwiżmu u l-ispirtu tat-tim.Matul l-indirizz tiegħu, il-Papa żied jgħid li l-atleti għandhom din is-sistema straordinarja ta’ opportunità li tikkomunika lil kulħadd, speċjalment iż-żgħażagħ, il-valuri pożittivi tal-ħajja u x-xewqa li tiddedika għall-insegwiment ta’ għanijiet għoljin u nobbli. Il-Papa kompla billi qali li “Iċ-ċikliżmu huwa wieħed mill-isport li jenfasizza b’mod partikolari xi vantaġġi: għejja – waqt tluq twil u diffiċli, kuraġġ – f’tentattivi biex jaħrab jew jispiċċa malajr, integrità – fl-osservazzjoni tar-regoli, altruwiżmu u tifsira tat-tim. Jekk naħsbu dwar waħda mid-dixxiplini l-aktar mifruxa li hija ċ-ċikliżmu fit-toroq, allura nistgħu naraw kif matul it-tiġrijiet it-tim kollu jaħdem flimkien, ħafna drabi jkollu jissagrifika għall-lider tat-tim. U meta wieħed mill-kollegi jesperjenza mument diffiċli, sħabu tat-tim jappoġġawh u jakkumpanjawh. Bl-istess mod fil-ħajja huwa importanti li jiġi kkultivat l-ispirtu tal-altruwiżmu, il-ġenerożità u l-komunità biex tgħin lil dawk li jibqgħu lura u li għandhom bżonn l-għajnuna biex jiksbu l-għan it-tajjeb. “
Papa Franġisku enfasizza li ħafna ċiklisti kienu eżempju kemm fl-isport kif ukoll fil-ħajja permezz ta’ l-integrità u l-konsistenza tagħhom, u taw l-aħjar tagħhom fuq ir-rota. Matul il-karrieri tagħhom, huma setgħu jikkombinaw is-saħħa u d-determinazzjoni ta’ l-ispirtu fl-insegwiment tar-rebħa, iżda wkoll fis-solidarjetà u l-ferħ fil-ħajja. Huma taw xhieda ta’ l-iskoperta tal-potenzjal ta’ l-eżistenza tal-bniedem, maħluqa fl-immaġni u x-xebh ta’ Alla u s-sbuħija tal-ħajja fil-komunjoni ma’ oħrajn u mal-kreazzjonijiet kollha. Il-Papa fakkar li l-atleti għandhom ħila straordinarja biex jgħaddu lil ħaddieħor, speċjalment iż-żgħażagħ, il-valuri pożittivi tal-ħajja u x-xewqa li jissagrifikawha għal skopijiet nobbli. L-isport m’għandux, madankollu, isir għan fih innifsu u bniedem ikun għodda biex jaqdi interessi oħra, eż. Fama jew benefiċji. Imbagħad, il-Papa semma t-theddid li l-isport jista jkun wieħed negattiv fejn semma d-doping, id-diżonestà, in-nuqqas ta’ rispett lejn l-avversarji w il-korruzzjoni.
Fl-aħħar tal-messaġġ tiegħu, Papa Franġisku ħeġġeġ biex jitkomplew jiġu organizzati speċjalitajiet ġodda fil-qasam taċ-ċikliżmu, li huma ta’ interess partikolari għaż-żgħażagħ bl-importanza li nisimgħu ġenerazzjonijiet ġodda, mingħajr ma ninsew it-tradizzjonijiet sani u l-kultura popolari.
F’din l-okkażjoni d-delegati kollha preżenti kellhom ix-xorti li jieħu b’idejn il-Qdusija Tiegħu, filwaqt li Joe Bajada kellu xorti ikbar li rnexxielu jibdel il-karlotta l-bajda mal-istess Papa Franġisku.
