L-Assoċjazzjoni Maltija tat-Table Tennis organizzat is-serata ta’ premjazzjoni għall-istaġun 2022/23 li saret f’lukanda ewlenija f’Tas-Sliema.
F’din is-serata tqassmu t-trofej lil dawk it-timijiet u individwi li rebħu l-kampjonati rispettivi fl-istaġun li għadda.
REKLAM
SKROLLJA BIEX TKOMPLI
Fil-kampjonat tal-Ewwel Diviżjoni, kienu HITT Tibhar li kisbu t-titlu segwiti fit-tieni post minn Top Spin TT Academy.
Alpha Calleja Ltd kienu r-rebbieħa tat-tieni diviżjoni b’MITTC Angela Bajada li jispiċċaw fit-tieni post.
It-tielet diviżjoni kien mirbuħ minn PBC Table Tennis Blue Grip segwiti minn Alpha Neoflex.
Finalment fir-raba’ diviżjoni, ir-rebbieħa kienu HITT Academy Sports Experience li ġew qabel Kindred li temmew fit-tieni post.
