Ilbieraħ 10 ta’ Awwissu 2018 kienet ikkonċelebrata l-Quddiesa u l-konsagrazzjoni tal-artal fil-bazilika minuri ddedikata lil Sidtna Marija Mtellgha s-Sema, fil-Mosta, li tmexxiet mill-Arcisqof Charles J. Scicluna.
Waqt ir-rit tal-konsagrazzjoni, uħud mill-ġenituri bit-trabi li tgħammdu l-Ġimgħa li għaddiet fil-bażilika, akkumpanjaw iż-żejt li ntuża mill-Arċisqof biex jikkonsagra l-artal.
Ilbieraħ filgħaxija wkoll, Mons. Arċisqof ingħata l-onorifiċenzja “Ġieħ il-Mosta” mill-Kunsill Lokali tal-Mosta.
