L-Arċisqof Malti fl-Albanija George Frendo qaleb għall-aħjar. Dan wara li sa ftit jiem ilu kien f’qagħda serja meta rriżulta pożittiv għall-COVID-19.
Flimkien ma’ patri Kapuċċin Taljan ieħor, l-Arċisoqf Frendo kien ttajjar permezz ta’ ajruplan militari Taljan għal kura fi sptar ġewwa Bari.
Ritratti mtella fuq sit tal-aħbarijiet Taljan wrew lill-Isqof Malti jagħmel il-vjaġġ b’ajruplan mgħammar apposta u issa qed jirċievi l-kura neċessarja fl-isptar ta’ Miulli.
L-Isqof Frendo għandu 74 sena u ilu għal dawn l-aħħar snin iservi f’Arċidjoċesi fl-Albanija.
