Il-Kunsill Malti għall-Arti ħabbar li l-kompetizzjoni nazzjonali tal-kostum karnivalesk, ser issir nhar it-Tlieta 28 ta’ Frar 2017 f’nofsinhar fi Pjazza Teatru Rjal, il-Belt Valletta.
Din il-kompetizzjoni hi intenzjonata għal tfal, adoloxxenti u żgħażagħ ta’ bejn 5 snin u 16-il sena u ser tkun imqassma f’żewġ kategoriji skont l-età.
Min jixtieq jieħu sehem jista’ jikseb formola tal-parteċipazzjoni mill-Kunsill Malti għall-Arti, 16, Triq M.A. Vassalli, il-Belt waqt il-ħinijiet tal-uffiċċju.
L-applikazzjonijiet jagħlqu lejlet il-kompetizzjoni u l-parteċipazzjoni hija mingħajr ħlas. Għal aktar informazzjoni wieħed jista’ jċempel fuq 23397036.
