L-applikazzjonijiet għas-servizz tal-Breakfast Club huma miftuħa u l-ġenituri jistgħu japplikaw għal dan is-servizz fuq www.edu.gov.mt/breakfastclub
Dan is-servizz, li huwa pprovdut mingħajr ħlas, huwa disponibbli għat-tfal f’livell primarju fl-iskejjel tal-istat.
Din hija t-tielet sena ta’ din l-inizjattiva u s’issa użaw is-servizz mas-6,000 student bl-investiment min-naħa tal-Gvern jkun ta’ miljun u nofs ewro.
Il-Gvern kien nieda s-servizz tal-Breakfast Club f’April tal-2014 u l-iskejjel primarji bdew jiftħu fis-sebgħa ta’ filgħodu.
B’hekk dawk il-ġenituri li jaħdmu kmieni setgħu jwasslu lil uliedhom aktar kmieni filwaqt li t-tfal igawdu minn servizzi utli u tajbin għal saħħithom.
