Il-Bord tal-Appell tal-Malta Football Association ma laqax l-appell imressaq minn Birkirkara FC wara li l-applikazzjoni tagħhom għal-liċenzja UEFA għall-istaġun 2017/18 ma ġietx aċċettata.
Id-deċiżjoni tal-Bord tal-Appell tikkonferma d-deċiżjoni meħudha mill-Bord tal-Liċenzjar tal-Klabbs Membri li ma tinħariġx liċenzja UEFA lil Birkirkara FC wara li l-klabb ma ssodisfax ir-rekwiżiti kollha tal-proċess ta’ liċenzjar.
