L-amministrazzjoni tal-President Amerikan Donald Trump qed timponi sanzjonijiet ġodda fuq l-Iran wara test riċenti li sar fuq missila ballistika. Id-Dipartiment Amerikan tat-Teżor ħabbar il-miżura kontra tlettax-il persuna u diversi kumpaniji fil-jum tal-Ġimgħa. Fuq Twitter, il-President Trump kiteb li l-Iran qed jilgħab man-nar u m’apprezzawx kemm Obama kien ħanin magħhom, għal kuntrarju tiegħu. Iżda uffiċjali tal-Iran qalu li pajjiżhom mhux se joqgħod għal theddid inutli minn persuna bla esperjenza.
