Matul ix-xahar ta’ Ottubru l-ammont ta’ xita li niżlet kienet aktar mid-doppju tal-medja tax-xita li normalment tagħmel matul dan ix-xahar.
Kif irrappurtat mill-bassara indipendenti tat-temp, FirstMalta.com, jirriżulta li Ottubru ilu ma jara daqshekk xita mill-1950.
F’Birkirara, fejn hemm installat l-apparat ta’ FirstMalta, matul ix-xahar li għadda, niżlet 195 milimetru ta’ xita meta l-medja għal Ottubru hija dik ta’ 83mm.
Matul Ottubru li għadda, 14-il jum kienu kkaratterizzati mix-xita u f’sebat ijiem oħra x-xita kienet akkumpanjata mis-sajjetti.
L-aktar li niżlet xita kien fit-18 ta’ Ottubru u l-aktar li għamlu sajjetti kienu fit-12 u fit-18 tax-xahar.
Iżda anke jekk Ottubru kien aktar imxarrab mis-soltu, kien ukoll 0.3°C aktar sħun, bit-temperatura medja kienet dik ta’ 21.7°C
