L-akbar vapur tal-injam fid-dinja li jbaħħar se jidħol Malta għall-ewwel darba

L-akbar vapur tal-injam fid-dinja li jbaħħar se jidħol Malta għall-ewwel darba.

Nhar il-Ġimgħa 14 ta’ Ottubru 2022 f’12:00am, il-vapur Żvediż Götheborg se jasal il-Belt Valletta. Götheborg huwa l-akbar bastiment tal-qlugħ tal-injam fid-dinja li jbaħħar, u huwa replika ta’ vapur tal-Kumpanija Svediża tal-Lvant tal-Indja tas-seklu 18 li għereq barra Gothenburg fl-1745.

Il-Götheborg jinsab fi triqtu lejn l-Asja, u Malta hija t-12-il waqfa fuq din l-espedizzjoni.

B’kollaborazzjoni mal-Awtorità Maltija għat-Turiżmu, il-vapur se jkun irmiġġat fil-Valletta Waterfront mill-14 sat-18 ta’ Ottubru, u se jkun miftuħ għall-viżitaturi waqt il-waqfa. Qabel l-irmiġġ, il-vapur se jsellem lil pajjiżna b’salut tan-nar.