L-Air Malta tappoġġja l-Logħob tal-Pajjiżi Żgħar tal-Ewropa

Hekk kif Malta qed tospita l-Logħob tal-Pajjiżi Żgħar tal-Ewropa, l-Air Malta żiedet it-titjiriet chartered, iddedikati biex jiffaċilitaw l-ivvjaġġar tal-atleti lejn Malta.

Ilbieraħ waslu f’pajjiżna erba’ titjiriet chartered tal-Air Malta, b’parteċipanti minn Andorra, Ċipru, Monaco u San Marino.

Fost it-tagħmir sportiv speċjalizzat li l-atleti ġarrew magħhom hemm qlugħ u pole-vaulting, liema tagħmir inġarr bħala merkanzija fuq l-istess titjiriet.

Fi stqarrija l-Air Malta awgurat lill-parteċipanti kollha suċċess u esperjenza pożittiva għall-kompetizzjonijiet.