L-aħwa Degiorgio b’talba oħra miċħuda fuq argument dwar il-libertà proviżorja

It-talba ta’ Alfred u George Degiorgio dwar il-libertà proviżorja, meħuda minn referenza Kostituzzjonali, ġiet miċħuda mill-Qorti.

Wara li ġiet miċħuda t-talba tal-ħelsien mill-arrest, l-aħwa Degiorgio ressqu talba biex il-Qorti tagħmel referenza Kostituzzjonali, fejn sostnew li d-drittijiet tagħhom kienu nkisru.

Fl-aħħar deċiżjoni tagħha dwar il-kwistjoni tar-referenza Kostituzzjonali, l-Imħallef Edwina Grima osservat li l-liġi li tirregola din ir-referenza kienet tgħid li meta ssir din it-talba, il-kwistjoni għandha tiġi riferuta lill-Prim’Awla tal-Qorti Ċivili fil-ġurisdizzjoni Kostituzzjonali tagħha, sakemm il-Qorti ma tkunx tal-fehma li t-talba hija waħda frivola.