Il-ħakma ta’ Karol Aquilina fuq il-Partit Nazzjonalista u dik ta’ ħuh, Robert Aquilina, fuq l-għaqda estrema Repubblika mistennija tkompli toħroġ fid-deher illejla. Dan hekk kif waqt li fil-Parlament se jittieħed vot ta’ kundanna għall-aġir deplorabbli ta’ Karol Aquilina fil-konfront tal-iSpeaker Anġlu Farrugia, ħuh Robert Aquilina se jkun barra l-Parlament jagħmel protesta tar-Repubblika.
Persuni midħla tal-PN qalu lil ONE News li l-ħakma tal-aħwa Aquilina fuq il-PN u r-Repubblika huma assoluti.
“Iħokku dahar xulxin” qalilna persuna midħla tad-Dar Ċentrali Nazzjonalista u fil-PN kulħadd jibża’ minnhom”.
ONE News infurmat li Karol Aquilina qed jordna lill-Partit Nazzjonalista biex għall-protesta ta’ ħuh, illejla fil-Belt, il-PN itella’ lin-nies tiegħu.
