Nhar il-ħamis li ġej 15 ta’ Marzu 2018 ser tingħata l-aħħar tislima lit-tfajla żagħżugħa Christa Formosa.
Il-funeral se jsir fil-knisja ta’ Marija Bambina fil-Mellieħa. Qed jinxtered il-messaġġ permezz tal-midja soċjali biex fil-funeral ma jintlibisx l-ilbies iswed.
It-tfajla ta’ 23 sena mill-Iklin kienet involuta f’inċident ikrah tat-traffiku nhar is-Sibt 10 ta’ Marzu filgħodu kmieni f’Burmarrad.
Hi tilfet il-battalja mal-mewt wara sigħat tiġġieled għal ħajjitha fit-Taqsima tal-Kura Intensiva fl-Isptar Mater Dei.
Sigħat li matulhom kienu ħafna dawk viċin tagħha li ħallewlha messaġġi ta’ kuraġġ fuq il-profil tagħha fuq Facebook biex tibqa’ tiġġieled u żżomm soda.
Ara wkoll: http://www.one.com.mt/2018/03/11/ser-nibqa-nhobbok-ghal-dejjem-l-gharus-ta-christa/
