Kienu bosta l-messaġġi emozzjonali u ta’ dieqa li ħallew fuq il-paġna ta’ facebook ta’ Christopher Barry Zammit, missier ta’ 36 sena li tilef ħajtu s-Sibt f’inċident tat-traffiku, fejn fakkru l-memorji sbieħ tiegħu u faħħru l-kwalitajiet sbieħ ta’ dan il-missier.
Il-qraba u l-ħbieb ta’ dan il-missier użaw il-midja soċjali biex jinfurmaw lill-pubbliku li l-funeral se jsir l-Erbgħa 9 ta’ Novembru fit-8.30am fil-Knisja ta’ San Ġwann.
