L-aħħar teknoloġija fil-qasam tad-drones mistennija tasal Malta

Kumpanija Maltija tas-sigurtà iffirmat ftehim ma’ żviluppatur internazzjonali biex iġġib lejn pajjiżna l-aħħar tekonoġija fid-dinja ta’ drones.

Is-sħubija se tippermetti lill-kumpanija Maltija toffri teknoloġija avvanzata ħafna u soluzzjonijiet ġodda fejn tidħol sigurtà f’pajjiżna.

Apco Ltd u Stromkind qed jimmiraw li jintroduċu fis-suq Malti sistema ta’ drones aġġornati b’immaġini eċċellenti u abilitajiet sensorjali avvanzati.

Bil-kwartieri ġenerali tagħhom fl-Awstrija, Stromkind għandha aktar minn 25 sena esperjenza fil-qasam tad-drones li jintużaw fuq l-art, fl-ajru u fil-baħar.

Waqt l-iffirmar tal-ftehim, intqal li t-teknoloġija tad-drones hija essenzjali għas-suċċess attwali u futuri f’diversi industriji.