Il-Ġimgħa filgħaxija, eluf ta’ Maltin u turisti attendew għat-tieni u l-aħħar kunċert ta’ Summerdaze li sar fiż-żona tal-pikniks bħala part mill-Park Nazzjonali f’Ta’ Qali.
Dan il-kunċert, li kkonkluda wieħed mill-aqwa festivals tas-Sajf, offra briju u divertiment liema bħalu għal min attenda.
Matul dan il-kunċert kien hemm prestazzjoni mir-rapper stilla Taljan Gué, il-kantanta u influencer Elettra Lamborghini, il-producer Spanjol Vidaloca u Fred de Palma.
Kien hemm ukoll l-istellel tad-disgħinijiet Double You u Haddaway.
Għalqu din is-serata mill-aktar maġika, l-artisti ta’ Deejay Time, fosthom Albertino, Fargetta, Mollela u Prezioso.
Dan il-kunċert kbir bħal dak tal-Isle of MTV, ix-xahar li għadda, jigdeb numru kbir ta’ turisti lejn pajjiżna.
Dan il-kunċert sar mil-Awtorità Maltija għat-Turiżmu, b’kollaborazzjoni ma’ Radio Deejay u M2O.
