L-aħħar ċans biex tirreġistra online biex tivvota għada flok fit-8 ta’ Ġunju

Kull min fit-tmienja ta’ Ġunju se jkun imsiefer jew rikoverat fi sptar, għandu l-aħħar ċans sal-lum f’nofsinhar biex jirreġistra online biex ikun jista’ jivvota għada fl-elezzjoni bikrija.

Fil-fatt, illum hija l-aħħar ġurnata li persuna tista’ tapplika għall-votazzjoni bikrija biex tivvota għada s-Sibt l-1 ta’ Ġunju minflok fit-8 ta’ Ġunju.

Dawn jistgħu japplikaw mal-Kummissjoni Elettorali n-Naxxar personalment jew jidħlu fuq is-sit electoral.gov.mt/advancedtransfer u japplikaw bid-dettalji tal-karta tal-identità tagħhom biex ikunu jistgħu jivvutaw għada s-Sibt l-1 ta’ Ġunju.