L-applikazzjoni għall-klassijiet ta’ reviżjoni tas-SEC ġiet estiża sal-Ħamis 18 ta’ Lulju f’nofsinhar. L-istudenti jistgħu japplikaw online billi jżuru s-sit education.gov.mt/revision.
Il-klassijiet ser jibqgħu għaddejjin għal ħames ġimgħat fi tliet ċentri f’Malta li jinsabu fil-Mosta, l-Imsida, Raħal Ġdid u ġewwa r-Rabat Għawdex.
Dawn il-klassijiet se jibdew fl-24 ta’ Lulju sal-aħħar ta’ Awissu. Studenti bejn 15 u 24 sena li ġabu marka 6, 7, U jew li ma marrux għal xi wieħed mill-ħames suġġetti ewlenin imsemmija hawn fuq huma eliġibbli biex japplikaw għal dawn il-klassijiet.
L-istudenti jistgħu jattendu għal lezzjonijiet ta’ mhux aktar minn tliet suġġetti. Huma għandhom wkoll l-għażla fis-suġġetti tax-xjenza bejn il-Bijoloġija u l-Fiżika.
Għal iktar informazzjoni dwar il-klassijiet ta’ reviżjoni tas-SEC taħt il-Youth Guarantee Project wieħed jista’ jċempel fuq 2598 2280/1/2/3 , iżur www.youthguarantee.edu.mt, jew iżur il-paġna ta’ Facebook – ‘Youth Guarantee Malta’.
Meta japplikaw għall-klassijiet ta’ reviżjoni, l-istudenti mhumiex qed japplikaw awtomatikament għall-eżami tar-resit, għalhekk wieħed irid japplika wkoll għall-eżami tar-resit mal-MATSEC.
