L-Aġenzja Sapport qed timplimenta diversi miżuri li ġew pjanati sabiex tiprevjeni t-tixrid tal-Coronavirus,
waqt li tagħti sapport lill-persuni b’diżabilità u l-familjari tagħhom.
L-Aġenzija konxja li meta wieħed jesperjenza tibdil drastiku fir-rutina, biża’ u anke distakk mill-persuni li
tħobb, dan joħloq inċertezza u ansjetà, speċjalment fil-persuni b’diżabilità u anke l-familjari tagħhom
speċjalment f’sitwazzjonijiet ta’ mġiba qalila. Għalhekk l-Aġenzija Sapport hi kommessa li b’mod
partikolari f’dawn iż-żminijiet, tgħin b’modi differenti mis-soltu lill-klijenti tagħha u l-familjari tagħhom
sabiex jingħataw sostenn u motivazzjoni biex ikampaw mas-sitwazzjoni.
Għadaqstant, il-professjonisti tal-Aġenzija qed iżommu kuntatt b’mod regolari permezz tat-telefown u
skype calls sabiex ikun assigurat li persuni b’diżabiltià u familjari tagħhom, qed jinagħtalhom is-sapport
meħtieġ waqt l-interruzzjoni mis-servizzi kif imdorrijin bihom. L-impjegati qed joħolqu wkoll riżorsi
aċċessibbli u ideat ta’ wieħed x’jista’ jagħmel waqt li qiegħed id-dar għall-benefiċċju tal-klijenti,
speċjalment sabiex tinżamm ir-rutina u għalhekk wieħed isibha aktar faċli ikampa mas-sitwazzjoni li
nħolqot.
Dan waqt li l-Aġenzija qed timplimenta diversi miżuri anke bi qbil mal-awtoritajiet, sabiex jitnaqqas irriskju tat-tixrid tal-virus. Il-lista ta’ miżuri tinsab annessa.
L-Aġenzija Sapport tfakkar ukoll li persuni b’diżabilità f’Malta jistgħu jagħmlu użu mill-Helpline 25903030
u f’Għawdex mill-Helpline 21569909 jekk għandhom bżonn ikel u mediċina, f’appell sabiex ma joħorġux
mid-dar. Persuni neqsin mis-smigħ jistgħu jibgħatu email fuq remote.assist@crpd.org.mt.
Għal informazzjoni u riżorsi, wieħed jista’ jżur is-sit elettroniku tal-Aġenzija www.sapport.gov.mt u l-
midja soċjali fejn qed jitwasslu wkoll riżorsi aċċessibli (easy-to-read) immirati lejn persuni b’diżabilità. Il-pubbliku hu mħeġġeġ ukoll li jsegwi l-aġġornamenti mwassla mill-awtoritajiet tas-saħħa u li qed jiġu
tradotti għal-Lingwa tas-Sinjali Maltija kuljum mill-interpreti tal-lingwa ta-sinjali fi ħdan l-Aġenzija
Sapport.
- L-Aġenzija mxiet mad-direzzjoni tal-awtoritajiet biex iċ-Ċentri ta’ Matul il-Jum kollha jingħalqu
sakemm jingħata avviż ieħor. Il-ħaddiema għadhom f’kuntatt mal-klijenti fejn minbarra li
jagħtuhom is-sapport matul dan iż-żmien diffiċli u differenti għal kulħadd, jgħaddulhom ukoll
informazzjoni u attivitajiet li jistgħu jagħmluhom id-dar. Dan isir permezz tal-użu tat-teknoloġija. - Residenti fid-djar immexxijja mill-Aġenzija Sapport twaqqfu wkoll b’mod immedjat milli jattendi postijiet tax-xogħol, kif ukoll skejjel u Ċentri ta’ Matul il-Jum sakemm dawn ikunu magħluqa.
- Żjarat ta’ kull tip, inkluż dawk lil jew mill-membri tal-familja, mhux qed isiru.
- Staff fir-residenzi qed jaħdem fuq bażi ta’ live-in.
- Il-klijenti kif ukoll l-istaff titteħdilhom it-temperatura mill-inqas tliet darbiet kuljum sabiex jekk
ikun hemm ħjiel ta’ deni, dan jinqabad mill-ewwel. - L-Aġenzija qed tipprovdi lbies protettiv, tassigura tindif b’diżinfettant u prattiċi oħra li jassiguraw
li l-postijiet kollha li topera minnhom l-Aġenzija għandhom livell għoli ta’ iġene. - Ir-residenti jużaw il-mobile jew tablet ħalli jżommu kuntatt mal-familjari.
- Appuntamenti mediċi ta’ rutina mhux qed isiru sakemm mhux meqjusa urġenti.
- Xiri ta’ prodotti u ikel isir permezz ta’ siti online u b’delivery.
- Rigward mediċina bi preskrizzjoni, qed issir koordinazzjoni mal-POYC għal delivery fir-residenzi.
- Servizzi ta’ ħidma soċjali u servizzi oħra fil-komunità twaqqfu ħlief f’każijiet ta’ emerġenza.
Jingħata sapport kontinwu permezz ta’ telefonati lill-familji. Dan ukoll sabiex ikun assigurat li lpersuni b’diżabilità u l-familjari tagħhom jingħataw is-sapport li jkollhom bżonn. - Żjarat fid-dar u assessjar ta’ rutina mhux ser ikunu qed isiru. Dan hu fil-każ ta’ follow-ups. Laqgħat
ma’ persuni b’diżabilità li jibbenifikaw mis-servizzi tal-Aġenzija u ma’ professjonisti oħra qed jiġu
posposti għal aktar tard jew isiru bit-telefown fejn possibli. - Kull kuntatt u sapport mill-interpreti tal-lingwa tas-sinjali qed isir permezz ta’ online video calls,
Instant Messaging jew b’email, għajr f’sitwazzjonijiet urġenti fejn online video interpretation
mhuwiex possibli (eż: appuntamenti mediċi). - Ħarġiet u attivitajiet fi gruppi ġew imwaqqfa, inkluż laqgħat u taħriġ.
- Il-pubbliku hu mitlub biex juża t-telefown u l-email minflok jiġi fl-uffiċini tal-Aġenzija sabiex
japplika għal servizzi u skemi tal-Aġenzija. - Ġiet preparata residenza oħra tal-Aġenzija Sapport li ser isservi bħala post ta’ kwarantina biex
tintuża fl-eventwalità li jinqala’ l-bżonn. - Impjegati bbażati fl-uffiċini qed jaħdmu fuq skeda ta’ telework sabiex ikun assigurat li ma jkunx
hemm numri kbir ta’ impjeagti flimkien fl-uffiċini fl-istess waqt. L-impjegati qed jingħataw issapport kollu tal-maniġment sabiex tinżamm l-effiċjenza fis-servizzi kif ukoll ikunu mħarsa lbenesseri tal-istess impjegati.
