Illum it-Tnejn 6 ta’ Jannar, fid-8:45pm esklussivament fuq ONE, jixxandar l-ewwel episodju tas-sensiela l-ġdida KWIR.
Fl-ewwel episodju, ser niltaqgħu ma’ tliet artisti tad-drag fejn nibdew naraw l-istejjer tagħhom minn wara l-kwinti ta’ persuni umani li huma. Niltaqgħu wkoll ma’ Helen, mara trans ta’ 60 sena, li terġa’ lura Malta wara kważi 40 sena. Il-memorji tagħha f’ Malta inqanqlulha diversi tifkiriet ta’ mħabba projbita u passat li ħalliet warajha.
Niltaqgħu ma’ Connor fejn nibdew narawh kif jibda jilqa’ u jkellem lil ġuvni li jiffanzja Luca, student ieħor ġewwa l-kulleġġ. Luca jibda jagħti lil Connor x’jifhem li jixtieq joħroġ miegħu, iżda Connor jagħmel minn kollox biex iżommu kuntent. Ittra misterjuża tpoġġi lil Helen aktar fil-fond fid-dellijiet tal-passat tagħha.
Dan l-episodju tad-debutt huwa ċelebrazzjoni kommoventi u enerġetika ta’ reżiljenza, identità, u l-konnessjonijiet li jorbtuna, mimlija b’umoriżmu u kuraġġ.
