L-aġenżija Infrastruttura Malta qalet li ordnat kuntrattur sabiex jerġa’ jagħmel wiċċ ġdid għal Triq Ġorġ Borg Olivier fir-Rabat. Dan wara li x-xahar li għadda triq it-triq tlestiet iżda l-wiċċ ta’ din it-triq ma laħaqx mal-kwalità li timponi l-istess aġenżija.
L-aġenżija qalet li dan ix-xogħol se jkun lest sal-lejla, filwaqt li l-ispejjeż huma f’idejn il-kuntrattur.
Ix-xogħol li qed isir f’din it-triq fir-Rabat jinkludi t-tneħħija tal-asfalt diffettuż u qed tingħata saff ġdid ta’ asfalt.
