Kuntistabbli tal-Pulizija Għawdxi mistenni jitressaq il-Qorti wara li l-Ħadd li għadda huwa nstab fil-pussess ta’ sitt qratas kokaina. Il-kuntistabbli ta’ 21 sena inqabad fil-pussess tas-sustanza illeċita waqt li kien fost il-partitarji fl-istadium tal-futbol f’Għawdex waqt il-logħba Xewkija Tigers kontra Nadur Youngsters.
F’mument minnhom huwa ġie segwit mill-pulizija u kien arrestat hekk kif daħal fit-toilet. Hemmhekk inħareġ mill-grawn u ġew imfittxija l-karozza u d-dar tiegħu. Huwa irriżenja mill-ewwel mill-korp tal-Pulizija.
