Kienet ċelebrazzjoni mill-isbaħ fil-Floriana li mmarkat it-tħabbira tad-data tal-elezzjoni ġenerali.
Minn kmieni l-Ħadd filgħodu folla sabiħa bdiet tinġabar fejn il-Fosos biex tisma’ l-messaġġ tal-Prim Ministru.
Wara l-attività politika, ONE News tkellem ma’ bosta li kienu preżenti.
Fuq fommhom kien hemm sens ta’ gratitudni għad-deċiżjonijiet li ħa l-Prim Ministru Robert Abela.
Huma qalulna hekk:
“F’dawn il-ħames snin nemmen li dan il-Gven għamel progress eċċezzjonali.”
“Kienu ħames snin tajbin ħafna. Irridu nqisu li kien hemm pandemija u ħafna affarijiet. Il-Gvern tal-Labour dejjem kien viċin il-poplu.”
“Ħames snin, ħames snin ta’ suċċess, ħames snin li ltqajna ma’ ftit minn kollox u naħseb li s-setturi kollha, il-faxex kollha tas-soċjetà gawdew minn riformi, minn affarijiet sbieħ, kwalità tal-ħajja aħjar.”
“Naħseb li ma jistgħux ikunu aħjar milli kienu.”
“Imnalla kien il-Gvern tal-Labour għax li kieku f’pandemija bħal din ma konniex nimxu fejn wasalna.”
“Naħseb li eċċezzjonali. Jekk ikunu ħames snin bħalma għaddew u nkomplu fuqhom, naħseb li m’għandniex xi ngħidu, tajjeb ħafna.”
“Kienu ħames snin ta’ ġid u ħames snin tajbin.”
“Il-ħames snin li għaddew ta’ Gvern Laburista kienu suċċess għall-poplu kollu, il-poplu Malti u Għawdxi, ma setgħux ikunu snin isbaħ milli kienu.”
“Jien naħseb li dawn l-aħħar ħames snin li għaddew, il-Prim Ministru u l-Partit Laburista tana l-iktar li seta’ jagħti.”
In-nies semmew deċiżjonijiet li ħa Robert Abela f’mumenti ta’ sfida bħal ma kienet il-pandemija.
Ilkoll tkellmu fuq l-investiment fin-nies.
Huma qalu hekk:
“Grazzi għall-investiment tal-Partit Laburista u Gvern Laburista seta’ jgħin lil kulħadd. Per eżempju jien fil-kumpanija fejn naħdem jien grazzi għall-Covid Wage Supplement, voldieri għinna ħafna u naf li għen ħafna kumpaniji oħra biex ikomplu għaddejjin u l-ekonomija tibqa’ għaddejja sewwa. Issa naħseb li l-Partit Laburista u Gvern Laburista jrid jaħsab dak li żera’.”
“Speċjalment fi żmien il-pandemija mnalla kien il-Labour għalina għax ta ħafna inċentivi lin-nies u bis-saħħa tal-inċentivi ħafna nies ma tilfux xogħolhom.”
“Il-pensjonijiet hux, għaliex aħna pensjonanti, dejjem jiżdiedu mentri fi Gvern ieħor, qatt ma żiedna xejn.”
“Baqa’ jgħin lin-nies bil-Wage Supplement. M’għandix kliem ieħor ta’ tifħir għalih.”
“Issa li raħsilna 10% fuq l-Overtime, dawk kollha huma tajbin hux.”
“Jiena pensjonant, naħseb li konna, ma nistgħux ngħidu li morna ħażin għax rajna xaqq ta’ dawl f’ħamsa u għoxrin sena.”
“Jekk naqbad insemmi qas ħa nieqaf għax ma waqax jagħti u jgħin lin-nies.”
“Familji, żgħażagħ żgħar li jridu jibnu familja.”
“Bħala pensjonant x’tistenna li jolqotni l-aktar? Mhux iż-żieda fil-pensjoni għal darba, tnejn, tlieta.”
Fuq kollox in-nies kienu ottimisti u qed iħarsu lejn futur sabiħ għall-pajjiżna.
Huma stqarrew:
“Fiduċjuż li ħa jkun hemm turnout tajjeb għall-Partit Laburista.”
“Qed inħarsu lejn futur sabiħ li nerġgħu nagħtuh it-tmexxija biex jerġa’ jkollna tmexxija aħjar milli kellna s’issa.”
“Morna ħafna ‘l quddiem u nistennew biex ikollna ħames snin oħra xogħol u serħan tal-moħħ.”
“Prim li sab diffikultajiet, mexxa tajjeb, aħseb u ara fiż-żmien li ġej.”
“Nista’ ngħid li kuntenta fejn qiegħda llum, f’hiex wasalt. Nispera li n-nies jagħtuh l-appoġġ, ma jinsewx dak li għamel magħna, il-poplu Malti u Għawdxi.”
“Inħarsu ‘l quddiem biex jekk Alla jrid nagħtu l-vot lill-Prim Ministru għall-elezzjoni li ġejja.”
