Għada kif tnehdiet app li tbassar it-temp għall-gżejjer Maltin għall-10 t’ijiem li jkun imiss, mis-sit indipendenti tat-tbassir tat-temp firstmalta. L-App hija kompletament b’xejn u turi t-tbassir kemm bil-Malti u kif ukoll bl-Ingliż.
L-app tindika wkoll il-kundizzjonijiet kurrenti tat-temp, tagħti aċċess dirett mat-tim ta’ FirstMalta u tavża jekk ikun hemm xi perikli relatati mal-kundizzjonijiet atmosferiċi. B’mod sempliċi u li jinftiehem minn kulħadd, dan it-tbassir ikun aġġornat kontinwament.
Punt li jagħmel din l-app aktar user friendly huwa l-fatt li l-isfond tas-sistema huwa skur biex ma tinħelhiex il-batterija tal-mobile u anke biex dawk il-persuni li għandhom diffikultà fil-vista ma jkollhomx problemi ta’ skumdità.
Kull min iniżżel l-App se jkun jista’ wkoll jissuġġerixxi xi tibdil jew funzjonijiet oħra fl-updates li se jkunu qed jintbagħtu fil-ġimgħat li ġejjin b’xejn.
Niżżel din l-app minn fuq is-sit www.firstmalta.com
