Il-kumpanija X Clean li tieħu ħsieb it-tindif tar-residenza San Vinċenz de Paul kisbet tliet ċertifikati kruċjali tal-internazzjonali, u hi flimkien mal-kumpanija sussidjarja tagħha huma l-ewwel fid-dinja li qatt kisbu tliet ċertifikati bħal dawn fl-istess waqt. L-Organizzazzjoni Internazzjonali tal-Istandards, l-ISO, tippremja kumpaniji u negozji li jilħqu ċertu standards rakkomandati minnha.
Iċ-ċertifikati juru li l-kumpanija hija konformi mas-Sistemi tal-Immaniġjar tal-Kwalità u tal-Ambjent, kif ukoll tas-Saħħa u s-Sigurtà. L-uffiċjal ta’ kumpanija liċenzjata mill-ISO stess, li wkoll ppreżenta ċ-ċertifikati lill-kumpanija, qal li tul l-esperjenza tiegħu fil-qasam, qatt ma nnota kif kumpanija rnexxielha timplimenta tliet standards kruċjali fl-istess waqt. Fi kliemu dan juri l-impenn tal-kumpanija li tkompli ttejjeb l-operat tagħha u l-impatt fuq l-ambjent, kif ukoll is-saħħa u s-sigurtà tal-impjegati u l-klijenti.
