Il-Kummissarju Ewropew għall-Innovazzjoni, Riċerka u Edukazzjoni, Mariya Gabriel, faħħret is-servizz taċ-childcare mingħajr ħlas offrut f’Malta.
Il-Kummissarju Ewropew semmiet kif il-parteċipazzjoni tat-tfal fl-edukazzjoni bikrija hija impressjonanti u ferm aktar mill-medja Ewropea.
Fi żjara f’pajjiżna, il-Kummissarju Ewropew għall-Innovazzjoni, Riċerka u Edukazzjoni, Mariya Gabriel, faħħret il-ħidma ta’ pajjiżna li wasslet għal żieda f’parteċipazzjoni ta’ tfal fil-proċess edukattiv.
Hija qalet, “Since its introduction, the scheme has contributed to a significant increase in the participation of children aged less than three years in formal childcare. From 18% participation you have reached an impressive 38%, higher than the European average which stands at 36%.”
Dan intqal waqt konferenza tal-aħbarjiet mill-Ministru għall-Edukazzjoni fejn ingħatat ħarsa lejn il-politika tal-Ministeru li ġiet spjegata f’żewġ dokumenti.
Dawn kienu l-Politika Nazzjonali għall-Edukazzjoni tat-tfal u l-Istandards Nazzjonali għall-Edukazzjoni tat-tfal.
Hawn issemma wkoll kif din il-politika hija marbuta wkoll mal-investiment ta’ disgħa u għoxrin miljun ewro għat-tfal li jattendu ċ-Childcare.
Fil-fatt dan ifisser medja ta’ sebat elef u tliet mitt ewro kull tifel u tifla li jattendu madwar ħames sigħat kuljum fil-mija tnejn u erbgħin Ċentru taċ-Childcare madwar Malta u Għawdex.
Il-Ministru għall-Edukazzjoni Justyne Caruana spjegat li dawn id-dokumenti jindirizzaw il-ħiliet differenti tal-istudenti u appellat lil dawk kollha involuti sabiex jieħdu l-bidliet imsemmija fid-dokumenti bħala passi mportanti għat-tiġdid tal-edukazzjoni tat-tfal u ż-żgħażagħ tagħna.
Hija sostniet: “They will certainly welcome this upgrade in standards and will adopt the required changes to offer our children a solid basis of education which will eventually lead to better quality of life and better opportunities in the future. We are fully committed to upgrade and sustain a country that our children deserve.”
Intant f’konferenza organizzata mill-Kamra tal-Kummerċ, Gabriel tkellmet mal-imsieħba soċjali dwar il-potenzjal li jista’ jkollhom in-negozji fl-Unjoni Ewropea fil-qasam tal-innovazzjoni u r-riċerka.
Hija stqarret li bħalissa d-dinja għaddejja minn mewġa t’innovazzjoni ġdida, u l-Unjoni Ewropea għandha opportunità sabiex tkun minn ta’ quddiem f’dan iż-żmien ta’ rkupru mill-pandemija: “We need to work very intensively because some of the ambitions are very beautiful, but we know that on the ground, things are happening differently and that’s why I’m here, to listen, to learn from you and to see how together we can transform.”
