Il-bieraħ Ira Losco għamlet it-tieni prova tad-diska Walk On Water.
Rajna tibdil drastiku fil-preżentazzjoni Maltija, għaliex il-kowt li kienu qed jiġu proġettati elementi viżivi fuqu m’għadux hemm. Id-delegazzjoni Maltija donnha ddeċidiet għal kollox li ma tixtieqx li jintuża dan il-kowt.
Ira Losco bħal fl-ewwel prova ħarġet b’vuċi stupenda u l-interpretazzjoni tagħha kienet tajba. Il-ġurnalisti li tkellimt magħhom hawn fi Stokkolma irrimarkaw li wara li ddeċidiet li tneħħi l-kowt, kien hemm kummenti iżjed pożittivi.
Magħha se jkun hemm iż-żeffien Scorpion u tim ta’ żeffiena oħra. Illejla fil-16:45 ħin lokali se tkun qed tkanta mill-ġdid. Għada mbagħad isir il-welcome party u nhar it-Tnejn l-ewwel prova ġenerali.
Edward Montebello jinsab Stokkolma u se jkun qed jaġġorna dan is-sit.
