Għal kull min jixtieq jattendi għall-Isle of MTV, din is-sena jrid jirreġistra hekk kif se tkun qed tiddaħħal sistema ġdida għal kull min se jattendi fis-27 ta’ Ġunju, bir-reġistrazzjoni se tkun xorta waħda mingħajr ħlas.
L-Isle of MTV huwa wieħed mill-akbar avvenimenti tal-mużika li ilu jittella’ kull sena mill-2007 u li għalih attendew fost l-akbar artisti mondjali fosthom Snoop Dog, Maroon 5, One Rebuplic u bosta aktar. Ta’ kull sena bosta żgħażagħ u adulti jkunu qed jsitennew b’ħerqa kbira għal dan l-avveniment li sena wara sena l-folla dejjem tikber, bis-sena li għaddiet attendew għalih ‘il fuq minn 50,000 persuna – fosthom Maltin u kif ukoll turisti li jaħtfu dan iċ-ċans li jaraw artisti kbar mingħajr ħlas. B’kolaborazzjoni ma’ esperti fil-qasam ta’ sistema ta’ reġistrazzjoni, Ticketmaster/Universal, din is-sena se tkun introdotta sistema ġdida ta’ reġistrazzjoni li wieħed ikun irid jaċċessa fuq is-sit tal-Isle of MTV jew ticket booth li se tkun fuq il-post minn fejn wieħed jista’ jikseb biljett b’xejn.
Eluf ta’ persuni li se jkunu qed jattendu se jingħataw l-għażla li jirreġistraw minn qabel għal dan l-avveniment, li l-aċċess se jkun qed jinfetaħ ġimgħatejn qabel ma titinieda s-sistema tar-reġistrazzjoni b’mod uffiċjali. Dawk li jagħżlu li jirreġistraw minn qabel se jkunu jistgħu japplikaw għal biljett ta’ reġistrazzjoni sa 48 siegħa qabel ma titnieda s-sistema b’mod uffiċjali. Apparti minn hekk kull min se jirreġistra minn qabel se jidħol fiċ-ans li jirbaħ żewħ biljetti VIP għal dan l-avveniment.
Kull min se jirreġistra jista’ jirreġistra għal massimu ta’ erba’ biljetti.
Minkejja li wieħed se jkun qed ikollu jirreġistra biex jattendi għal dan l-avveniment, xorta waħda l-aċċess se jkun b’xejn u għalekk m’hu se jkun qed isir ebda ħlas bħas-snin li għaddew.
Din is-sistema ta’ reġistrazzjoni qed tiġi introdotta sabiex tassigura li jkunu segwiti r-regoli dwar is-saħħa u s-sigurta’ fil-jiem tal-avveniment u l-organizzaturi jkunu jafu meta jintlaħaq l-ammont ta’ kemm jesa’ l-Fosos u b’hekk ikunu jistgħu jiddeċiedu meta ma jistgħux iħallu aktar persuni jaċċessaw l-istess żona.
Persuni taħt l-14-il sena iridu jidħlu fi preżenza ta’ adult filwaqt li kull min jirreġistra jrid igib il-biljetti printed jew inkella fuq il-mobile.
U jekk jasal il-jum u tinsa li ridt tirreġistra għal biljett, m’hi problema xejn hekk kif wieħed jista’ jidħol onlajn dak il-ħin, jirreġistra qabel jidħol u b’hekk xorta waħda jkun jista’ jattendi.
Għal din is-sena diġa’ ġew ikkonfermati d-DJs ta’ fama dinjija Dimitri Vegas u Like Mike li ser idoqqu fl-Isle of MTV li ser jittellgħa nhar is-27 ta’ Ġunju.
Kull min irid ikun jaf aktar informazzjoni jista’ jagħmel kuntatt fuq isleofmtv@mtvne.com
Kull min jixtieq jara r-regoli ta’ din is-sistema ġdida jista’ billi jara d-dokument t’hawn taħt;
[pdf-embedder url=”http://www.one.com.mt/wp-content/uploads/2018/03/IOMTV-2018-Ticketing-QA-for-media-enquiries.pdf” title=”IOMTV 2018 – Ticketing Q&A (for media enquiries)”]
