Kuċċier ittieħed l-isptar Mater Dei wara li kien involut f’inċident tat-traffiku fil-Qrendi.
L-inċident seħħ għall-ħabta tas-18:30 fi triq il-Wied fil-Qrendi meta kuċċier ta’ 33 sena residenti l-Imqabba kellu impatt ma’ vettura tat-tip Ford Transit misjuqa minn raġel ta’ 45 sena residenti s-Siġġiewi.
Fuq il-post issejħet ambulanza fejn ħadet lill-kuċċier l-isptar Mater Dei.
Il-kundizzjoni tiegħu għadha mhix magħrufa.
