Hekk kif illum tħabbar li bdew jintbgħatu r-riżultati tas-SEC u tal-Matrikola permezz ta’ messaġġ fuq il-mowbajl, issa tħabbar li fetħu l-applikazzjonijiet għas-suġġetti fil-livell SEC; Matematika, Malti, Ingliz, Fiżika u l-Bijoloġija.
Wieħed jista’ japplika mhux aktar tard mis-17 ta’ Lulju f’nofsinhar fejn hekk kif l-istudent jibgħat l-applikazzjoni tiegħu, se jkun qed jirċievi notifikazzjoni permezz ta’ imejl lura.
Il-Korsijiet ta’ Reviżjoni se jkunu qed jibdew fl-24 ta’ Lulju u t-tul tagħhom hu ta’ madwar ħames ġimgħat.
Għal aktar informazzjoni wieħed jista jibgħat imejl fuq revisionclasses.mede@gov.mt jew iċempel fuq 2598 2846 jew 2598 2280/1/2.
