Koppja anzjana nstabu mejtin fil-kamra tas-sodda tagħhom wara li l-heater li kellhom fil-kamra ħdejhom kienet stmata li telgħet għal temperatura ta’ 538 grad celsius (1,000F).
Joan Littlejohn ta’ 84 sena u Glennwood Fowler ta’ 82 sena nstabu mejta fid-dar tagħhom f’South Carolina fejn il-Pulizija rrapportaw li t-temperatura tal-proprjetà kienet ta’ 49 grad celsius saħansitra 20 minuta wara li fetħu t-twieqi u l-bibien kollha tad-dar biex tidħol arja friska.
Jidher li għal xi jiem l-anzjani kienu qed jilmentaw li kellhom problema bis-sistema li ssaħħan id-dar kif ukoll bl-ilma, fejn minn hemm qraba tal-anzjani żaruhom u rranġawlhom il-problema li kellhom.
Ġara li wara li raw li l-anzjani ma kellmuhomx wara tlett ijiem, il-qraba tħassbu u pprovaw jgħamlu kuntatt mal-anzjani fejn sabu xena xokkanti li ma kinux qed jistennew.
