Ta’ Giorni kienet l-aħħar lokalità li fiha l-Prim Ministru kompla jiltaqa’ man-nies fl-aħħar jum ta’ kampanja elettorali pożittiva mill-Partit Laburista.
Robert Abela, f’messaġġ ċar qal li l-Partit Laburista se jibqa’ jaħdem biex Malta tkun isbaħ, joffri opportunitajiet indaqs lil kulħadd u anke jara li titjieb il-kwalità tal-ħajja tal-Maltin u l-Għawdxin.
Ftit sigħat qabel il-poplu jagħżel, il-Prim Ministru spjega kif Gvern Laburista qatt ma waqaf jinvesti fin-nies tul is-snin, u hekk se jibqa’ jagħmel jekk jingħata fiduċja fis-26 ta’ Marzu.
Il-messaġġ illum kien wieħed; dak li l-Partit Laburista għandu l-kreddibilità biex ikompli jmexxi lil Malta ‘l quddiem u jtejjeb il-ħajja tal-anzjani, taż-żgħażagħ, tan-negozji, tal-istudenti, tal-ħaddiema u fuq kollox tal-familji f’pajjiżna.
Malta Flimkien. Il-Futur Sabiħ.
“Is-survey reali huwa dak tas-Sibt.”
Kien b’dan il-kliem li l-Prim Ministru Robert Ablea ndirizza lil dawk li nġabru f’Pembroke jumejn qabel l-elezzjoni ġenerali.
Robert Abela appella lil kulħadd sabiex sal-lejla jiġbor il-vot u jivvota lill-Partit Laburista li f’kampanja elettorali ppreżenta Manifest Elettorali b’saħħtu bi pjan għal futur isbaħ.
F’Ħal Lija fejn ingħata merħba oħra sabiħa, il-Prim Ministru qal lil dawk preżenti li jafu min hu l-futur għaliex il-Partit Laburista għandu proposti bla kundizzjonijiet li jolqtu l-ħajja ta’ kulħadd, mentri ħaddieħor kollox bil-jekk, kif u imma.
Semma l-kummenti li ta sa dalgħodu stess Bernard Grech, fejn għal darb oħra ma kienx jaf jgħid b’kemm se jiżdiedu l-pensjonijiet.
“L-istess bħalma għamel ilbieraħ waqt id-dibattitu, saqsejtu tliet darbiet u ma kienx jaf iwieġeb”, qal Dr Abela.
Il-Prim Ministru temm jistaqsi jekk in-nies hux se jafdaw lil min ma jafx iwieġeb fuq il-miżuri tiegħu stess jew min fl-aħħar snin żamm kelmtu mal-anzjani, ħaddiema, familji u negozji.
F’Ħ’Attard, Il-Prim Ministru Robert Abela wassal messaġġ pożittiv u viżjunarju.
Hawnhekk huwa tkellem dwar l-importanza li ninvestu fit-tfal, għax dawn huma l-futur ta’ pajjiżna.
Ma naqasx li dwar dan isemmi l-bosta proposti li jolqtu lit-tfal u żgħażagħ, fosthom dawk b’rabta mal-edukazzjoni tagħhom.
Il-Prim Ministru kompla jżur aktar lokalitajiet u ngħata merħba mill-isbaħ minn folla li mliet il-pjazza tan-Naxxar.
Lin-nies preżenti, Robert Abela kellimhom dwar l-għażla li għandhom quddiemhom nhar is-Sibt, dwar il-futur ta’ pajjiżhom li jekk immexxi minn Partit Laburista fil-Gvern, se jara li elf proposta fil-manifest isiru elf kisba.
Hawnhekk il-Prim Ministru fakkar kif il-proposti tal-Partit Laburista m’għandhom ebda kundizzjoni marbuta magħhom u jieħdu ħsieb lil nies f’faxex differenti fis-soċjetà.
Il-lokalità li jmiss hija dik ta’ Wied il-Għajn, fejn hawnhekk ukoll il-Prim Ministru sab folla sabiħa ta’ nies tistennih.
F’indirizz li wassal, Il-Mexxej Laburista qal kif l-għażla s-Sibt li ġej hija bejn il-passat u l-futur u spjega kif Il-Partit Laburista, jekk jingħata fiduċa, se jkompli jnaqqas it-taxxi għall-familji u jżid il-pensjonijiet.
Robert Abela għamel aċċenn dwar l-investiment propost ta’ €700,000 għall-ambjent u biex fil-pajjiż jiżdiedu l-ispazji miftuħa.
Il-Prim Ministru kompla jiltaqa’ man-nies f’Ħad-Dingli, fejn tkellem dwar l-għażla tas-Sibt biex kulħadd ikollu l-istess opportunajiet fil-ħajja speċjalment it-tfal; ġejjin mil-liema familja ġejjin.
Robert Abela qal li l-għażla hija bejn manifest ċar b’elf proposta bi kredibilità li jitwettqu, jew wieħed mill-ħames verżjonijiet tal-manifesti tal-Partit Nazzjonalista b’termini u kundizzjonijiet. Il-Prim Ministru qal li l-unika kundizzjoni fil-manifest elettorali tal-Partit Laburista hija li s-Sibt kulħadd imur jivvota favur elf proposta li jinbidlu f’elf kisba.
Fis-Siġġiewi, il-Prim Ministru wkoll sab bosta anzjani u familji jistennewh, fejn dawn kellhom kelma ta’ grazzi għal mod kif Gvern Laburista kien ta’ sostenn għalihom, partikolarment waqt pandemija.
F’messaġġ pożittiv, Robert Abela semma kif l-1,000 proposta fil-Manifest Elettorali tal-Partit Laburista għandhom l-għan li jtejbu l-kwalità tal-ħajja tan-nies.
Wara l-Belt Valletta, il-Prim Ministru żar il-lokalità tal-Floriana, fejn iltaqa’ man-nies li kienu preżenti.
Hawnhekk il-Prim Ministru nnota d-differenza ċara bejn il-proposti taż-żewġ partiti ewlenin, fejn saħaq kif dak li ressaq il-Partit Laburista quddiem l-elettorat Malti u Għawdxi m’għandhom l-ebda kundizzjonijiet.
Il-Prim Ministru u Mexxej Laburista Robert Abela beda l-aħħar jum tal-kampanja elettorali jiltaqa’ man-nies f’bosta lokalitajiet madwar il-pajjiż.
L-ewwel post kien ħdejn il-Kamrata fil-Belt Valletta, fejn hawnhekk wassal il-messaġġ ta’ Malta Flimkien lil bosta nies.
Fost l-oħrajn Robert Abela qal kif il-Partit Laburista għandu pjan ċar għal dan il-pajjiż u għalhekk għandu jingħata fiduċja s-Sibt li ġej.
